كلامه كان مثل طعنة السجين يوم اعلن وفاته
كان شمعة ونور الحياه
وكان المنضار الي اشوف به
لكن كلامه ذبح قلبي
وتمنيت لو ماولدتني امي
او عرفته
تمنيت لو الروح تفارقني
وماتنزل ادموعي
قال يحبني ومايريد يفارقني
ولما اجا يومه فارقني ببتسامه
تمنيت لو ان روحي فارقتني ولا عشت هاليوم
ولا شفت سجينه تطعن فيه
وين المحبه ووين الوفا
وين العشق وعشرة العمر
تخلى عنها بسهولة
وماكنه عشق
عشت بوجوده احلا دنيا بعد ماكنت كارهتها
حبيت الدنيا بوجوده
واليوم عفتها
ليتني انزع اقليبي وادفنه
ليتني انسى كل هالليالي وانا معاه
وليتني ماعشت يومي
ليتني ما عرفته ولا دخل حياتي
وظليت بظلمتي اهون علي
فرقاه اكبر خساره ماتحمل
جلون اعيش باقي العمر بلياه
ياكبر قسوة هالزمن وياكثر احزانه
مايرحم ولا رئف ابحالي
حرمني من السعاده حتى من لحضاتها
لا صديق رئف فيني ولا قريب حس بيه
والحبيب تركني وراح
وخلاني بجراحي
آآآه ياقسوة الايام
آآآه يا ايامي
ليش اجيت الهادنيا دام الحزن مخاويني
ليش الفرح تاركني ومن السعاده محروم
تركني ورحل بعيد عني
بعد ما خلاني اهيم بحبه
بعد ماعيشني ايامي وزرع الحب بيه
تركني ورحل وببرود ودعني
ما يدري انه بكلامه هاذ ذبحني
وبيده للقبر واراني ودفني
وخمد انفاسي بتراب صده